Mikel Erentxun

Mikel Erentxun donostiarrak 37 urte baino gehiago daramatza musika egiten, hasieran Duncan Dhurekin eta, gerora, bakarlari gisa. Nazioko eta nazioarteko ehunka errekonozimendu ditu. Hit handiak ez ezik, jarraitzaile ugari ditu Espainian, Mexikon, Txilen, Argentinan, Perun, Kolonbian eta Estatu Batuetan. Azken diskoetako birekin (Corazones eta El hombre sin sombra) Latinoamerikar Grammy sarietako rock-album onenaren kategorian izendatu zuten (Las Vegas) eta, lehenago, Duncan Dhurekin, Grammy sarietarako izendatu zuten (New York). Ez du atsedenik hartzen, beti musika egiten eta sortzen ari da, eta gehien gustatzen zaiona egiten: zuzenean jotzen. Mikel artista moldakor bat da: gai da 300 pertsonaren aurrean bakarrik jo eta giro intimo bezain berezia sortzeko; baita milaka pertsonaren aurrean bere banda elektriko osoak lagunduta jo eta publikoari duten botere eta energia harrigarria transmititzeko ere. Karisma handiko artista bat da, eta sasoi pertsonal eta artistiko betean dago. 2022an biran jarraituko du, eta, udazkenean, Estatu Batuetan eta Mexikon barrena ibiliko da bere azken albuma aurkezten: Amigos de Guardia. Albuma Ricky Falknerrek ekoitzi du. 37 urteko ibilbidea ekarri du, hogei bat artistarekin (Coque, Malla, Zahara, Bunbury, Anni B Sweet, Iván Ferreiro, Amaral, Andrés Calamaro, Quique González…) egin dituen duoen disko bikoitz batean. Duela gutxi, ibilbidea aitortzen duen musikako Ondas sari nazional prestigiotsua jaso du (2021).