Bebe

Bebe kantaria eta antzezlea da, eta bere karrera bakarlari gisa hasi zuen, baina hasieratik hainbat bandarekin kolaboratu zuen. 2004an atera zuen bere lehen diskoa:Pafuera telarañas, Carlos Jean produktorea zela. Lehen albumarekin heldu ziren bere hiru kanta arrakastatsuenak: Malo, Ella eta Siempre me quedará. Haiekin ezaguna egin zen nazioartean. Bere letrak salaketa sozialez eta borroka feministaz josita daude, eta Espainiako eta musikaren sektoreko beste emakume batzuentzat ahalduntze femeninoaren erreferente bihurtu dira. Denbora batez zineman ibili ostean, musika egitera itzuli zen 2009an, eta Y… izeneko lana aurkeztu zuen. Los Amaya, Tontxu, Chambao, Luis Pastor eta Los Delinqüentesekin kolaboratu eta Hernán Zinekin eta Carlos Jeanekin Cesar debe morir kanta egiten aritu ondoren (Hernánek zuzendutako dokumentaleko kanta nagusia), bere diskoa atera zuen: Cambio de piel (2015). Bertan aldaketa bat ikus daiteke kantariarengan, pertsonalagoa eta emozioz betea zelako. 2018an Costarekin kolaboratu zuen Ficción kanta arrakastatsua sortzeko eta Laura Pausinirekin Verdades a Medias kanta egiteko (2020). Bebek amaiera eman zion azken birari, urte luzez kontzertuak ematen egon ondoren (Errusian, Turkian, Bulgarian, Errumanian, Argentinan, Uruguain, Kolonbian, Mexikon eta Espainian). 2021ean Libertad aurkeztu zuen, telesail eta film berri bat, eta bera da protagonista: «La Llanera». Bebe Espainiako kantautore garrantzitsuenetako bat da, eta gaur egun musika egiten ari da.